تنظيف مكينة القهوه

السلام عليكم ورحمة الله وبركاته

امتلك مكينة نسكافيه دولتس قوستو وبعد فتره صارت القهوه بطيئه ما تطلع بسرعه كيف يعني لمن احط الكبسوله على درجه اربعه يعني اربع نقاط زي ما هو موجود بعد النقطه الثالثه تبدا القهوه تنزل بعد الشرطه الثالثه يعني فيها زي التعليق فكيته تقريبا بالكامل ولا فيه فايده بالموضوع . فاكتشفت  اني ادخل سلك رفيع مره مره داخل ابرة القهوه وهذا فديو باليوتيوب يوضح الطريقه

قم الضغط هنا

مشاهده ممتعه

واعتذر للتصوير المتاخر لاكتشافي للمشكلة متاخرا

شراء شريحه بيانات بعرض

السلام عليكم ورحمة الله وبركاته

امس وانا طالع من العمل او قبلها بدقائق طلبت شريحه لاحد الافراد مسبق الدفع لمدة شهر وكان العرض 10 قيقا + 10 قيقا  ب 84 ريال شامل الضريبه من شركة الاتصالات السعودية @stc_ksa  بحكم ان التطبيق سلس وافضل عرض تقريبا بوقتها ( لا احتاج رقم ) فقط بيانات  فتوقعت ان الخدمه تكون سريعه فتاجأت باتصال الساعه 11 مساء بموظف من الاتصالات لتسليمي الشريحه طبعا اثناء الاتصال طلب مني الدخول الى موقع نافذ وطلب توثيق خدمه عن طريق اصدار شريحه لشركة الاتصالات وصلاحيته لمدة 4 ساعات  وبالفعل خلال 10 دقائق اتصل وأفاد انه عند الباب وطلب صورة الهويه والدفع الكتروني عن طريق البطاقة والحمدلله تم ذلك ولم يستغرق مني ذلك الا اقل من 5 دقايق وتم استلام الشريحه وجتني رسائل بتفعيل الباقه و انني استلمت الطلب شكرا الاتصالات وأتمنى من الشركات المنافسه التطور ولو بشيء قليل في خلال ازمة كرونا وشكرا

تم تجديد رخصة السير والقياده

السلام عليكم ورحمة الله وبركاته

بناء على التعليمات الجديده مسموح بالتجديد رخصة سير المركبه ( الاستماره ) دون الرجوع الى الفحص الدوري وفرصه للي عنده سيارات قديمه و انجاز للمعاملات اسرع وتم تجديدها دون اصدار الجديد لانه لايوجد لها تاريخ انتهاء فتم التجديد . وايضا الى رخصة القيادة تم تجديدها لمدة 10 سنوات دون فحص ولله الحمد التعاملات الالكترونيه نعمه الله يديمها علينا مااخذت مني الا دقائق للتجديد طبعا وجود ضغط رهيب على موقع ابشر لكثرة دخول الناس .

فهذا شيء نفتخر فيه بانه باقل من دقائق كل شيء يتجدد .

ولكن مع الاسف تم اصدار اقامه لعامل منزلي ولم تصلني الكرت واعتقد ان الجوازات لا يعملون بهذي الفتره فقمت بطباعة الايصال ليتسنى لي المراجعه في الجوازات بعد انتهاء الازمه .

فقمت اتخيل ان نقوم بعد صلاة الفجر ونمسك سرا ونتهاوش علشان طبعه من الكمبيوتر لتجديدها لمدة سنه والان باي مكان انت متواجد تجددها بخمس دقايق واقل الحمدلله على هذه النعمه .

التسوق في كرونا

مر علينا اسيوع من الحجر الكلي في الرياض والأكيد نحتاج الى تسوق بعض المنتجات من السوبر ماركت قبلها قمت بالتسوق الخفيف في احد السوبرماركت الموجود بالقرب من المنزل ولكن مع الأسف ينقصه الكثير والكثير وبالاضافه الى عدم توفر العروض فيه دائما وهذا ينسب الى الاداره واغلبنا نعرف لمن يملكها ولماذا والاعجب انه يمتلك مخبز خاص فيه المفترض يكون في أفضل ويحرص على العروض  وعدم تعقيم او توفير أي أدوات للسلامه ( قفازات ومعقمات ) .

والحمدلله الف مره لا نعاني من نقص في المواد التموينيه او المواد الصحيه والطبيه نهائيا رغم المحرضين الذين يقولون يوجد نقص او من يقوم بالتصوير لاحد الرفوف

واليوم ذهبت الى احد الأسواق المعروفه والكبيره بالرياض وتم تعقيم العربيات وتجهيز القفازات رغم نزولي من المركبه وانا البس القفازات والمحافظه اثناء التسوق على المسافه الكافيه وهي متر ونص الى مترين بين كل شخص .

 وتسوقت بارتياح لوجود الكميه وافره وتوفرالشركات التي تزود المكان بالمواد وكان وقت التسوق في الصباح الباكر لعدم وجود او تكدس او تجمعات السلامه أولا وكلنا مسؤول اخذ الاحتياجات المراد شراوءها ووتوفر العروض ووفرة الإنتاج ولله الحمد .

الملاحظ كان من المتسوقين شراء كميات كبيره للتخزين لا تعرف ماهو السبب ولكن مواد كماليه وليست اساسيه كمثال حلويات  نسال الله السلامه والحفظ تحياتي

العاب pc او كونسول

حنا الان في فترة الحجر الصحي لفايروس كارونا لسنه 2020 وطبعا جلسة البيت مملة بعض الشيء وان شاء الله راح انزل مقالاتي وتجاربي خلال الحجر ومن ضمنها هذي التجربة . طبعا وضع شركات التوصيل في الازمه حدث ولا حرج وقلت في نفسي حنا في عصر التقنية بحثت عن مواقع عدة وولقيت موقع يرسل اكواد العاب لجميع الاجهزه فقط اللي عليك تدفع وتحمل وهذا فعلا اللي سويته والموقع يقبل بطاقة مدى واكيد الفيزا وبرفق لكم اول مابديت العب اللعبه موجوده على اليوتيوب طبعا اخترت لعبة اسمها reisindt evil3 وهي معاده  لتعمل على جهاز السوني 4 القصه تقريبا تخلصها بأفضل احوالك 5 ساعات وكعادتهم كابكوم لازم يبدعون شوي لمن تخلص اول مره ارجع كمل من جديد وتجميع نقاط وتشتري اسلحه من ضمنها أسلحة لا نهائية ذكروني بريزدنت ايفل 5 لمن العب في طور الجماعي وافزع لهم اون لاين .. برفق لكم رابط الموقع و اول مابديت العبها .. تحياتي

رابط الموقع ولا تنسى تراسلهم بالتشات عن أي لعبه واي ريجن تبغى

تفضل اضغط هنا

رابط اليوتيوب ولا تنساني من الايك مشاهده ممتعه

تفضل هنا

افضل مركز تحميل

من منا ما جرب يحمل صوره او ملف او ملف وورد او صيغة معينه واغلب تجاربي كانت بصور قبل وبعد وتخرب بعد أسبوع ليه ؟ اخونا في الله صاحب الموقع اللي حطيت في الملفات حذفها او كنسلها لاي سبب والعذر تافهه استهلاك مساحه و و و ووانا تخرب تجاربي او ملفاتي بالنت فقررت والحمدلله اني اسوي مركز تحميل للصور والملفات وان اشاركم فيه بتحط ايميلك وتسجل طبيعي زي أي موقع وتفعل البريد وراح تحصل على مركز لك تقدر تتصفح وتعدل وتحذف أي صوره او ملف لا وفوقها ترفع الى 2 قيقا في كل خانع من اصل 5 خانات او حقول تقدر ترفعها مره وحده بالاضافه الى انك تبغاها صوره مباشره او مصغره او للمنتديات ( اذا انت من جيل الطيبين ) لذلك انصحك تروح للموقع على طول وتسجل بيجيك يوم تحتاج الى هاردسك بالنت ترسل الروابط لاخوياك او مديرك بالعمل او احد عن طريق التواصل الاجتماعي  ويسعدني حقيقه ان تسجل وترسل مقترحاتك ولا تنساني . الرابط بالاسفل . تحياتي

تفضل بالضغط هنا

الحجر الصحي وكرونا

العالم كلها اعلنت الحرب عليه والبلدان اللي فيها حروب اعلنت هدنه لتفشي المرض وطلعت لنا دول من العالم الاول وتقنيه فشلت في احتواء الفايروس من دول مصدره للعالم واقتصادها قوي الحمدلله والله يخلني دولتنا وحكامنا دولتنا ثويه وتضل قويه باذن الله تعالى .

جلست البيت مملة ولكن ليش ما نجرب شيء من التغيير دام الدنيا تغيرت برا اول مره احلق شعر راسي بلبيت كنت مرتبك بعض الشيء لكن مشت الامور .

جلست مع نفسي وراجعت اشياء كثير منها

قراءة كتب او قصص نجاح وقصص ثانيه لمشاهير وغيرهم

العمل عن بعد

كل شيء مرتبط تقريبا بالنت لو انقطع النت عن العالم هل راح نستمر ؟

غيرت زيت السياره بالبيت

عملت صيانة خفيفه بلبيت

سويت ريفيو عن كذا شيء بقناتي باليوتيوب

اي تجربه بالفديو انزلها باليوتيوب شيء جميل

لا مانع من اي شخص يكتب شي جديد سواها ولاول مره بتعليق تحت تكون ذكرى له لبعد سنوات طويله ؟

شركة نجم ومؤسسة النقد

من منا ما يعرف شركة نجم وطريقة حساب نسبة الحوداث والخ  كلام كثير يدور حولهم مالكم بالطويله باختصرها قدر الإمكان  فكل تجديد لاحدى المركبات الخاصه فيني اتفاجا بان ماعندي خصم نهائيا كنت مضطر وسددت بعد ماخلصت شمرت عن ساعدي وجلست ابحث وابحث وابحث وصلت لموقع شركة نجم ثم افراد ثم استعلام وطلعت عندي سياره قديمه مؤمنه عن طريق البطاقة الجمركيه مو الاستماره طيب ومنتهيه راسلت نجم قالو لا مالنا دخل خل شركة التامين تحدث الوثيقه اروح لشركة التامين تقول منتهيه أصلا كيف احدث ؟  عرفت ان فيه لعبه بينهم ومع الأسف مافي طريقة او معلومات بخصوص هالشي رفعت شكوى في مؤسسة النقد و النقد تقول لازم  10 أيام مر 20 يوم واتصل بالدعم الفني يقول مصعده للجهة المختصه في اليوم 25 تكرمت مؤسسة النقد مشكوره بالرد وياليتها ماردت لان الرد كان جدا بارد وقالو حولناها لنجم ويانجم عدل التاريخ عندك ؟؟ طيب وانا انتظر ومجدد على بالي هذي المشكلة وخطا شركة التامين  ( المفروض شركة التامين ترجع تتصل بعد فتره وتقول عطني الرقم التسلسلي للمركبه بعد اصدار الاستماره ) والكل عارف ان الهم الأكبر الفلوس كيف تجيبها ما يهم خدمة العملاء تكرمو نجم ويذلوني عليها بانهم عدلوها بس تواجه مشكلة ثانيه ؟؟ قلت ان لله وان اليه لراجعون ولا حول ولا قوة الا بلله  وش هي المشكله قال عندك شركتين تامين مو رابطين ارقام اللوجه بوثيقه التامين طبعا هنا ندخل في مشوار طويل وكل مره ادعي وأقول يارب الهمني صبر أيوب عليه السلام  الشركة الأولى تقول بياناتك صحيحه واللوحه مربوطه صحيح بالوثيقه طيب وين المشكله ؟؟ بعد التفحيط خلنا نقول وصلنا الى نجم مره ثانيه ووراني صوره من النت الداخلي عندهم ان اللوح مو مكتوبه ومكتوبه بالوثيقه الصحيحه فعرفت ان فيه خلل برمجي في نجم واشتكيت وكلمتهم ولا في البال طبعا هم المرجع الأساسي لجميع شركات التامين رفعت شكوى ثانيه في مؤسسة النقد على نجم واغلقوها بحكم ان الوثيقه صحيحه  انا جلست مع نفسي وقلت وش السالفه ( فاتضح لي ان الموظف المختص في النقد ليس على درايه بالموضوع ) جتني الفتوى تمشي الف قلت لهم بشتكي على القرار الغير صحيح المشكلة من نجم مو شركة التامين  مالنا بالطويله قررت ارفعها ثانيه مره والحمدلله رفعتها  وتاخرو جدا جدا جدا في اتاخذ القرار عرفت ان في مراسلات داخليه بينهم انا ما اشوفها وهي من مصالحهم والمفترض اني اطلع على كل شي يدور بينهم بعد شهر قرر احد المختصين في النقد انه يحول التذكره من شركة التامين الى نجم ويجبرهم فعلا امر محير جدا من النقد والحمدلله تحدث الأولى وجا دور الثانيه وكل شوي ارفع شكوى تغلق مره راجع شركة التامين ومره راجع نجم الى ان كلمني واحد من نجم الله يستر عليه قال لي بالحرف الواحد انسى الموضوع اذا ماجاني ايميل رسمي شركة التامين اني اعدل بخلاف كذامالي سلطه .. انا مافي علامة تعجب ولا في علامة استفهام ماطلعت لي لهذي الدرجه معقدينها علي … توكلت على الله وانطلقت الى لجنة الفصل في المنازعات التامينه وقدمت على نجم خصمي وطلبو مني أوراق برضو معقده سجل حوادث لاخر 5 سنوات من نجم ومن المرور ومشاوير اضطريت اجزءها الى ان انهيها كامله لان كل واحد جب خطا لكن الله سهلها اتصلو على بسرعه  ( للي ما يعرف اللجنه من مؤسسة النقد لكن اجارة مختلفه ) شرحت كل شي وجتني رساله بموعد الجلسه وانا مبسوط جا الموعد وكالعاده انتظار فوق الساعه عن الموعد الأصلي دخلنا انا والمحامي من طرفهم ماتكلمت بشي ولكن الحمدلله حكم لصالحي بعد الحكم انتظار تقريبا شهر لاخذ اصل الوثيقه والمطالبه.. بعدها محد عرف وش نسوي نجم رافعه خشمها مع الموظفين المتكبيرين وشركة التامين قالت قدامك الوثيقه فيها غلط ابشر بالعوض .

توجهت للمحكمه العامه ارفع قرار الفصل لصحالي المحكمه ترفضه اكثر من مره قلت معقوله محد يعرف ؟؟

وصلت الى محكمة التنفيذ وشرحت لهم ضحك المنفذ قال أخيرا ضد نجم وانا مستغرب قلت ليش قال أسبوع ماحلو المشكلة  استدعاء

خلال أسبوع ماوقف جوالي حنا تحت امرك وحنا اللي تبي قلت لهم عدلو لي النظام السيء تبعكم وانا متنازل .. كلها ساعات وقالو ممكن تتاكد وحنا معاك على الخط قلت ابشر ورجع لي استحقاق الخصم اللي لي وانا مرتاح وقلت لهم وش يضمن ماتعدلونه زي قبل قالو عدلناها بالنظام فعرف ان النظام عندهم سيء . تم التنازل مقابل اصلاح الخلل .